6 mlan akŏ thŭn 2023, boh klei duh mkra, ala ƀuôn mơ̆ng alŭ wăl mâo lu klei êdah kdlưn. Hnơ̆ng đĭ kyar bruă duh mkra mơ̆ng čar đăo tĭng mâo 5,54%, prăk ba čhĭ kơ ala tač êngao đăo tĭng mâo 420 êklăk USD, kluôm čar mâo 490 anôk bruă duh mkra mrâo. Knơ̆ng bruă sang čư̆ êa čar bi mklă tŭ ư hdră êlan bi liê kơ 15 hdră bruă hŏng ênoh 1.615 êklai prăk.

Hlăm wưng kơ anăp, čiăng rơ̆ng hnơ̆ng brei čan prăk knŭk kna, Knơ̆ng bruă sang čư̆ êa čar Gia Lai mtă kơ dŭm knơ̆ng, dhar bruă, alŭ wăl, pô bi liê mjêč bi leh dŭm hră mơar bi liê, mđĭ pral hnơ̆ng ruh mgaih anôk ala leh anăn lŏ mkŏ mjing anôk dôk čiăng mâo anôk ala doh kơ anôk bruă rŭ mdơ̆ng, mkŏ mjing hdră msir, hnơ̆ng klă klơ̆ng kơ djăp hdră bruă. Mđĭ klei bhiăn kjăp, bi kmhal phung ngă soh, ngă gun kpăk bi êmưt hnơ̆ng brei čan prăk bi liê./.