Amai Th. Sa čô mniê ti ƀuôn hgŭm Tây Sơn, ƀuôn prŏng Pleiku mrâo truh kơ anôk bruă kahan ksiêm hưn phung ba yua kdrăp mrâo mrang mplư ñu kơ kahan ksiêm čar Gia Lai thâo truh 160 êklăk prăk. Maoa hŏng anei 2 hrue, ñu mâo đĭng blŭ iêo hưn lač ñu mâo arăng pah mni kyua êlâo anăn tuôm nao blei mnơ̆ng hlăm anôk čhĭ mnia kdrăp eliktrik prŏng. Snăn čiăng dưi tŭ mă ênoh pah mưn anei diñu brei amai mkŏ app Telegram hlăm đĭng blŭ kăp bi blŭ hrăm.

Snăn tui si klei phung adih lač, ñu ngă mtam yơh êlan link čiăng tŭ măm nơ̆ng mđup brei anăn, hŏng grăp blư̆ bi liê mơ̆ng 10.000 prăk truh 40.000 prăk. Leh ƀuh pô anei tŭ klei diñu, snăn diñu lŏ mplư mtam hŏng ênoh prŏng hĭn čiăng kơ amai anăn mơĭt ba pioh duh bi liê, tŭ mă mnga lu hĭn mơ̆ng 40 - 60%. Hlăm hrue 11/5, ñu mâo leh 10 blư̆ ba yua ênoh prăk hjăn pô kñăm lŏ mơĭt truh êbeh 160 êklăk prăk hlăm dua ênoh arkhao, mmông anăn kơh thâo kơ pô lĕ hlăm klei arăng mplư. Dưi thâo mơ̆ng akŏ thŭn 2023, ti čar Gia Lai mâo mnuih lĕ hlăm klei arăng mplư luič truh 3,5 êklai prăk. Hŏng klei bi mplư mrâo, msĕ si đa ngă mgưt kahan ksiêm duah arưm aram, bi mhuĭ mnuih diñu mplư lačdah kđăl sim, kđăl arkhao, đa đa nga mgưt mnuih ala tač êngao ngă klei bi mguôp mah jiăng, bi mđup brei mnơ̆ng, đa đa ruah mnuih ngă bruă, iêo jak klei duh bi liê hlăm êlan online mâo mnga prŏng snăn ngă leh kơ lu mnuih lĕ hlăm klei mplư. Hlăm thŭn 2022, kahan ksiêm bruă anei ti čar Gia Lai, mâo tŭ mă leh truh 124 klei bi hưn lĕ hlăm klei arăng mplư luič truh 40 êklai prăk. Mâo mnuih luič truh 10 êklai.