VOV4.Êđê- Tết Nguyên Đán Nhâm Dần 2022 giăm truh, bruă rơ̆ng mnơ̆ng dhơ̆ng leh anăn bi hơĭt ênoh ênil jing bruă phŭn mâo Knơ̆ng bruă tuh tia mkra mjing čar Gia Lai, hnơ̆ng mnơ̆ng dhơ̆ng mâo dŭm anôk bruă pral kriê pioh hluê si hdră kčah hlăm gưl Tết Nguyên đán Nhâm Dần srăng đĭ hlăm brô 15% truh 30% mkă hŏng dŭm mlan hlăm thŭn. Hjăn mlan giăm Tết, đaŏ knăl klei čiăng blei mnơ̆ng srăng đĭ hlăm brô 305 anăn hnơ̆ng mnơ̆ng dhơ̆ng pioh mâo hlăm brô 9.100 êklai prăk.

Čiăng rơ̆ng bruă mkăp djăp mnơ̆ng yua hlăm gưl Tết, Knơ̆ng bruă tuh tia mkra mjing mtă kơ dŭm anôk bruă duh mkra pŏk ngă hdră kriê pioh mnơ̆ng yua čiăng rơ̆ng bi ghơĭt ênoh ênil, ƀuăn rơ̆ng mnơ̆ng yua jăk, mâo hră mơar djăp ênŭm, anôk mkra mjing bi klă. Mprăp mdrơ̆ng hŏng djăp klei mâo dleh ktuê dlăng ti anôk čhĭ mnia, rơ̆ng êđăp ênang gang mkhư̆ klei ruă Covid-19.

Pô mblang: H’Zawut Ƀuôn Yă