Klei bi kƀĭn tĭng dlăng boh tŭ hdră bi hgŭm wưng thŭn 2021 – 2025, mbĭt anăn bi tŭ ư kơ hdră êlan ngă bruă wưng thŭn 2026–2030. Hlăm wưng êgao, klei bi mjĕ hgŭm bruă plah wah Gia Lai lehanăn dŭm ala čar Dhŭng Lao đĭ kyar kluôm, dưi ba wĭt lu boh tŭ dưn jăk siam. Gia Lai mkăp leh 320 hnư prăk đru hriăm hră, grăp thŭn kơ êbeh 100 čô hđeh Lao dôk hriăm ti čar. Kơ hdră duh bi liê, 15 anôk bruă duh mkra Gia Lai pŏk leh hdră bruă ti Dhŭng Lao hŏng ênoh êbeh 595 êklăk USD.

Čar ăt đru kơ hlăm brô 60 êklai prăk rŭ mdơ̆ng dŭm hdră bi mjĕ mjuk. Ti knăm anei, phung khua čar Gia Lai lehanăn phung khua 4 čar Dhŭng Lao siñê leh Hră bi hdơr hgŭm bruă wưng thŭn 2026–2030, hŏng hdră mđĭ hĭn klei bi hgŭm kluôm, mđing kơ bruă mjuăt bi hriăm, bruă mdrao mgŭn, lŏ hma, mnia mblei, duh bi liê, mjĕ mjuk dhar kreh lehanăn mđĭ kyar bruă hiu čhưn ênguê./.