VOV4.Êđê- Aguah mbruê 7/7, 5 čô hlăm êpul hđeh êdam ngiêk ti ƀuôn Kloong, să Ia O, kdriêk Ia Grai, čar Gia Lai arăng mplư čih ti Campuchia dưi dŏng mtlaih, ba wĭt kơ čar Gia Lai êđăp ênang. Đại tá Trần Thanh Bình, khua knơ̆ng gĭt gai lĭng kahan lông lăn čar Gia Lai brei thâo 5 čô anei jing Puih Đại (k’kiêng thŭn 1998), Puih Môi (k’kiêng thŭn 2004), Ksor Jối (k’kiêng thŭn 2004), Puih Chiêu (k’kiêng thŭn 2003), Ksor Gum (k’kiêng thŭn 1999).

 Êpul hđeh êdam Kpuih Thái (k’kiêng thŭn 1994) leh anăn Kpuih Phú (k’kiêng thŭn 2006) dưi dŏng mtlaih ti hruê 3/7 leh anăn hruê 4/7 mrâo êgao jing mơ̆ng Trần Quang Quyết (k’kiêng thŭn 2001) dôk ti să Ia Dal, kdriêk Ia Hdrai, čar Kon Tum mplư čhĭ ti Campuchia hlăm 2 hruê 20 leh anăn 21/6/2022 mrâo êgao. Hlăk hruê 5/7 mrâo êgao, kđông kahan knông lăn Ia O ăt kčŭt hưn leh klei ngă soh čhĭ mnia mnuih, mbĭt anăn ba jao hră mơar leh anăn pô măk ƀai Trần Quang Quyết kơ anôk bruă ksiêm duah, kahan ksiêm čar Gia Lai lŏ dơ̆ng ksiêm duah, bi klă hluê si klei dưi.

Pô mblang: Y-Ƀel Êban