Hluê klei tĭng dlăng ti anôk bi kƀĭn, thŭn 2023 mâo lu klei dleh dlan ƀiădah čar gĭr bi leh bruă klam duh mkra – ala ƀuôn. Hluê anăn, ênoh prăk duh kluôm yang ƀuôn mâo 42 êbâo êklai prăk, mâo djăp hnơ̆ng čuăn lehanăn đĭ 9,28% mkă hŏng wưng anei thŭn êlâo.

Dŭm hnơ̆ng čuăn hlăm bruă lŏ hma – dliê kmrơ̆ng – mnơ̆ng hlăm êa, bruă tuh tia mkra mjing, rŭ mdơ̆ng lehanăn lu hnơ̆ng čuăn mkăn dưi mâo lehanăn êgao hdră kčah mtrŭn. Khă snăn, ăt mâo 7 hnơ̆ng čuăn phŭn lehanăn 2 hnơ̆ng čuăn mkăn ka dưi mâo. Klei bi kƀĭn tĭng dlăng, hlak mblang leh dŭm mta phŭn lehanăn hdră msir mghaih klei dleh dlan čiăng dưi bi leh bruă klam hlăm wưng ti anăp./.