VOV4.Êđê- Aguah mbruê, êpul khua bruă Đảng čar Gia Lai mkŏ mjing leh klei kƀĭn trông kơ bruă mă phung knuă druh. Hluê si klei bi klă mơ̆ng êpul khua bruă Đảng čar Gia Lai kơ bruă tiŏ nao knuă druh, Dương Minh Đức, khua hlăm bruă Đảng čar, k’iăng khua kiă kriê dhar bruă ksiêm dlăng bruă Đảng čar dưi tiŏ nao ngă bruă khua adŭ bruă Đảng čar. Hruê mmông păn bruă jing 5 thŭn mơ̆ng hruê 1/3/2022. Jao klei bi klă, khua bruă Đảng čar Hồ Văn Niên đăo kang, hlăm bruă păn mrâo, Dương Minh Đức srăng lŏ bi lar klei thâo ngă bruă, bruă klam čiăng hrăm mbĭt hŏng êpul êya gĭt gai knuă druh, phung mă bruă adŭ bruă Đảng čar bi mguôp, sa ai, ngă jăk bruă đru kčĕ đru kơ êpul khua bruă Đảng čar hlăm bruă gĭt gai, ktrâo lač, tui ngă bruă klam kđi čar hlăm alŭ wăl. Ăt hlăm hdră mơ̆ng klei kƀĭn trông aguah 8/3, êpul khua bruă Đảng čar Gia Lai mâo leh klei mplĕ hră bi klă dŭm hră hưn mdah mnuih mă bruă bi mbŏ hlăm Dhar bruă ksiêm dlăng bruă Đảng čar wưng thŭn 2020 – 2025 leh anăn mkra mlih hdră bruă êpul khua bruă Đảng čar wưng thŭn 2020 -2025.

         Pô mblang: Y-Khem Niê