Hlăm thŭn 2023, čar Gia Lai mkŏ mjing leh dŭm gưl mtrŭt mjhar klei myơr êrah msĕ si: Knăm mơak yan mnga hrah, hruê jing jang mnuih ƀuôn sang myơr êrah 7/4, hdră Dŭm aruăt êrah hrah yan hlơr, Hdră bruă hrah…dưi iêo jak dŭm êbâo gưl čô nao myơr êrah. Kluôm čar Gia Lai mkŏ mjing leh 90 gưl myơr êrah, iêo jăk êbeh 25.500 čô bi klă nao myơr êrah, mâo mă êbeh 18.700 hnơ̆ng êrah, mâo 117% mkă hŏng hdră kčah.

Hlăm thŭn 2024, êpul gĭt gai mtrŭt mjhar klei myơr êrah kčah mâo mă 17.000 hnơ̆ng êrah. Mbĭt anăn lŏ dơ̆ng mđĭ kyar dŭm êpul bi mguôp myơr êrah, êpul bi mguôp mkăp êrah leh anăn êpul hâo hưn klei myơr êrah ti dŭm kdriêk, sang hră mơar, knơ̆ng bruă.