Gia Lai tŭ mă êbeh 500 ênoh êrah doh hlăm knăm mơak “Aruăt êrah hrah Dap Kngư”
Thứ hai, 10:34, 08/07/2024
VOV TAYNGUYEN
VOV TAYNGUYEN
VOV4.Êđê- Ti ƀuôn prŏng Pleiku, Anôk bruă mkŏ mjing Hdră bruă Hrah gưl dlông bi hgŭm hŏng Anôk bruă gĭt gai myơr êrah čar Gia Lai mkŏ mjing knăm mơak myơr êrah “Aruăt êrah hrah Dap Kngư”.
Knăm mơak iêô jak êbeh 1000 čô knuă druh, phung mă bruă, êdam êra, phung lĭng kahan leh anăn mnuih ƀuôn sang hgŭm. Knăm mơak myơr êrah “Aruăt êrah hrah Dap Kngư” jing bruă ngă mđing kơ hdră bruă Hrah tal XII thŭn 2024 hŏng akŏ “Mkŏ êrah Việt Nam” mâo Anôk bruă mkŏ mjing Hdră bruă Hrah gưl dlông pŏk ngă.
Hlăm knăm mơak tal anei, Anôk bruă mkŏ mjing tŭ mă êbeh 520 ênoh êrah doh leh anăn ba leh kơ Sang êa drao prŏng čar Gia Lai leh anăn Sang êa drao kahan 211 pioh kơ bruă dŏng mdrao phung ruă. Hdră bruă Hrah thŭn 2024 mâo 48 čar/ƀuôn prŏng kluôm ala; hdră kñăm mơ̆ng hdră bruă jing mâo mă hlăm brô 120.000 ênoh êrah doh.
Viết bình luận