VOV4.Êđê - Aguah mbrue (11/3), kahan ksiêm čar Gialai mkŏ mjing klei trông čhai đru mguôp klei blŭ mkŏ mjing bruă čiăng čih mkra hdră bhiăn mâo: Hdră bhiăn kơ êpul đru răng mgang klei êđăp ênang nah gŭ, lehanăn răng mgang klei êđăp ênang êlan klông. Nao ti anôk trông čhai mâo pô bi ala bruă kƀĭn ala čar Gialai, dŭm knơ̆ng dhar bruă.

Kơ klei čih mkra hdră bhiăn Êpul ngă bruă răng mgang klei êđăp ênang nah gŭ, dŭm klei blŭ mâo klei bi tŭ ư kơ bruă klam, klei yuôm bhăn mơ̆ng êpul răng mgang klei êđăp ênang. Jih jang klei blŭ bi lač, êpul êya rơ̆ng kơ bruă răng mgang klei êđăp ênang jing pô đru bi mguôp hŏng kahan ksiêm, lehanăn phung ƀuôn sang. Bi hŏng hdră bhiăn răng mgang klei êđăp ênang êlan klông, jih jang klei bi blŭ bi lač, klei êđăp ênang êlan klông, lehanăn êdeh êdâo jing yap bruă prŏng, bi mâo hdră êlan mkŏ mjing čih mkra klei bhiăn truăn kơ bruă anei, pioh bi mlih tui si mdê bi mta bruă./.

Y-Khem pô mblang