Giăm 1 êbâo ton braih mơ̆ng Knŭk kna mkăp kơ mnuih ƀuôn sang dleh dlan ti Dak Lak wưng Têt 2024
Thứ tư, 09:20, 07/02/2024
VOV Tây Nguyên
VOV Tây Nguyên
VOV4.Êđê - Hlăm 2 hruê 6 – 7/2 (jing 27– 28 Têt), Knơ̆ng bruă kriê pioh knŭk kna krĭng Dhŭng Lăn dap kngư bi hgŭm hŏng Knơ̆ng bruă Mnuih ngă bruă, kahan êka êkeh lehanăn yang ƀuôn čar Dak Lak pŏk leh hdră mbha braih kơ gŏ sang dleh dlan ti čar kñăm đru mnơ̆ng ƀơ̆ng huă hlăm wưng Têt Nguyên đán 2024.
Hluê anăn, hlăm gưl anei, ti čar Dak Lak mâo 16.290 gŏ sang hŏng 61.342 čô mnuih hlăm 12 kdriêk ti čar dưi đru braih mơ̆ng Knŭk kna wưng têt Nguyên đán Giáp Thìn 2024. Grăp gŏ sang dưi mkăp 15 kg. Ênoh braih mâo mkăp gưl anei êbeh 920 ton.
Leh mâo klei gĭt gai mơ̆ng Khua knŭk kna, dŭm Phŭn, dhar bruă hlăm čar Dak Lak srăng ksiêm dlăng, bi mklă gŏ sang dleh dlan čiăng mbha braih. Bruă mbha braih dưi hluê ngă rơ̆ng klei tŭ jăk, djŏ hnơ̆ng, djŏ mnuih lehanăn tĭng srăng mbha braih hlăm tlam hruê 28 Têt./.
Viết bình luận