Klei ksiêm dlăng mơ̆ng knơ̆ng bruă lŏ hma leh anăn mđĭ kyar krĭng ƀuôn sang čar Dak lak, ti alŭ wăl mâo hlăm brô 100 anôk ênưih klưh hroh hŏng dŭm hnơ̆ng mdê mdê. Đăo knăl hlăm dŭm hrue kơ anăp, kyua hmăi mơ̆ng angĭn êbŭ mrô 4, ti Dak lak lŏ dơ̆ng mâo hjan prŏng.

Hjan mơ̆ng 20-40 mm, ênưih mâo klei êa lêč ti dŭm hnoh krông, hnoh êa, klưh hroh ti dŭm anôk kngư, leh anăn êjin leh ană dŭm ktuê hang krông ti dŭm kdriêk Ea Sup, Ea H’Leo, Krông Ƀŭk, Čư Mgar, Čư̆ Kuiñ, Ƀuôn Đon. Nguyễn Hoài Dương, khua knơ̆ng bruă lŏ hma leh anăn mđĭ kyar krĭng ƀuôn sang čar Dak Lak brei thâo, bruă sang čư êa čar mâo leh dŭm hră mơar gĭt gai dŭm alŭ wăl ktuê dlăng boh sĭt yan adiê čiăng mâo hdră êlan bi mdrơ̆ng găl guôp.