Thŭn anei, čar Gia Lai mâo truh 2.847 čô hlăk hlăm 17 kdriêk, wăl krah, ƀuôn prŏng ti Gia Lai nao mŭt kahan. Hlăm ênoh anei mâo 56% jing hđeh êdam mnuih djuê ƀiă, mâo 479 čô ngă hă akâo nao mŭt kahan, 72 čô mâo hnơ̆ng hriăm ti gưl prŏng.

Mơ̆ng knhal jih thŭn 2023 hlăm akŏ thŭn anei, Êpul gơ̆ng kiă kriê bruă bi mŭt kahan čar Gia Lai hgŭm hŏng dŭm alŭ wăl bi čuă êmuh, mđup brei mnơ̆ng kơ dŭm gŏ sang mâo hlăk ai mŭt kahan. Alŭ wăl bi leh bruă čuăn kčah jao klei iêo mŭt kahan./.