VOV4.Êđê- Aguah hruê 5/8, Êpul hgŭm bi mjĕ mjuk Việt Nam - Lao čar Dak Lak (Việt Nam) lehanăn Êpul hgŭm bi mjĕ mjuk Lào – Việt Nam čar Sê Kông (Lào) mkŏ mjing Klei bi kƀĭn ksiêm wĭt 4 thŭn mjut mjing. 4 thŭn êgao, Êpul hgŭm dua čar Dak Lak lehanăn Sê Kông pŏk leh lu bruă tŭ yuôm, đru bi kjăp, ksŭl mbŭ, ksiêk kjăp hĭn klei bi mjĕ Việt Nam - Lào.

Dua tĭng krơ̆ng kjăp hdră bi hgŭm hâo hưn, mjing klei găl kơ 2 čar bi mjĕ mjuk, tui hriăm klei thâo mă bruă. Êpul Dak Lak bi hgŭm, đru ksiêm dlăng hdră mjuăt bi hriăm, mjing klei găl kơ 59 čô hđeh Lao dôk hriăm ti alŭ wăl čar Dak Lak. Krŏng kjăp hdră mkŏ mjing Têt djuê ana Bunpimay grăp thŭn kơ êpul êya mnuih Lao dôk ti să Krông Na, kdriêk Ƀuôn Đon./.

Pô mblang: H’Nêč Êñuôl