VOV4.Êđê- Mbĭt hŏng kluôm ala, aguah hruê 16/2, giăm 9 êbâo čô êdam ti 5 čar krĭng lăn dap kngư nao mŭt kahan, hluê ngă bruă klam răng mgang ala čar. Hlăm anăn, čar Dak Lak mâo 2.500 čô nao hriăm kahan, 427 čô nao hriăm kahan ksiêm. Čar Lâm Đồng mâo 1.150 čô nao mŭt kahan.

Anei jing phung êdam dưi ruah mơ̆ng 12 kdriêk, ƀuôn prŏng hlăm čar. Knăm ba jao – tŭ mă kahan dưi mkŏ mjing leh rti dŭm alŭ wăl, rơ̆ng klei êđăp ênang. Čar Dak Nông mâo êbeh 1 êbâo čô nao mŭt kahan, hlăm anăn mâo giăm 900 čô hriăm kahan, êbeh 100 čô hriăm kahan ksiêm, hlăm anăn lu jing mnuih djuê ƀiă. Čar Gia Lai gưl anei mâo 2656 čô nao mŭt kahan, hlăm anăn êbeh 60% jing mnuih djiê ƀiă, mâo 2 čô đảng viên.

                                                    Pô mblang: H’Nêč Êñuôl