Leh hmư̆ klei hâo hưn mâo dŭm “Gưl êdeh 0 Prăk” ti Dak Lak dôk tŭ mă mnơ̆ng yua aguah tlam kơ mnuih ƀuôn sang dôk hmăi kyua angĭn êbŭ mrô 3, Mniê êra siam hĭn ala čar Việt Nam 2017 H’Hen Niê leh anăn gŏ sang đru jih jang ênoh braih gŏ sang mrâo hrui wiă mơĭt kơ mnuih ƀuôn sang krĭng êa lip. Êbeh 7 tạ braih dưi tăp, đŭng hlăm kdô 5 kg leh anăn mơĭt kơ êdeh nao ti dŭm čar nah Dưr hlăm mlan 10/0.

H’Hen Niê brei thâo kyua dôk mâo gưl nao mă bruă ti Ninh Thuận anăn amâo mâo ƀô̆ mta ôh hlăm bruă ngă ti ƀuôn sang Dak Lak. Ñu mgei ai tiê tơdah ƀuh grăp čô hlăm gŏ sang leh anăn phung sang riêng gah hrăm mbĭt đru đŭng, dŭ mdiăng braih mơ̆ng sang (ti kdriêk Čư̆ M’Gar) ba ti ƀuôn prŏng Ƀuôn Ama Thuôt. Êlâo anăn, ñu ăt đru leh mơh 100 êklăk prăk hlăm anăn prăk mơ̆ng Anôk bruă đru dŏng mặt trận čar kwar Việt Nam đru kơ mnuih ƀuôn sang krĭng êa lip.