VOV4.Êđê - Aguah 14/8, Sang hriê pioh Dak Lak bi hgŭm hŏng Êpul hgŭm răng mgang mnga pôk dliê Việt Nam. Anôk ksiêm hriăm Công nghệ sinh học leh anăn wăl hdĭp mda - Sang hră gưl prŏng Lăn Dap Kngư, leh anăn dŭm anôk bruă mkŏ mjing Hdră “Ba mnga pôk kơ dliê knrơ̆ng”, hlue ngă grep êbeh 3000 ana mnga pôk hlăm ana kyâo ti wăl Sang kriê pioh Dak Lak leh anăn Anôk kriê pioh kdrăp mnơ̆ng hƀuê ênuk ala čar mrô 4 Nguyễn Du (lŏ pia jing Sang Mtao Bảo Đại).  

Phan Xuân Thủy,  Khua êpul hgŭm khăp kơ mnga pôk dliê Việt Nam, brei thâo, mŏng ară anei truh knhal jih thŭn, hdră “Ba mnga pôk kơ dliê kmrơ̆ng” srăng lŏ dưi mkŏ mjing hlăm 3 gưl, pla mnga pôk hlăm jih jang ana kyâo ti sang kriê pioh Dak Lak (ƀuôn prŏng Ƀuôn Ama Thuôt) leh anăn ba mnga pôk kơ Đang dliê knŭk kna mkuôm Yok Đôn, hŏng klei čang hmăng đru răng kriê, răng mgang mjeh mnga pôk hin hlăm dliê kmrơ̆ng ăt msĕ mơh dưi ƀuh klei jăk siam mơ̆ng krĭng lăn Dak Lak.

H’ Zawut pô mblang