Lŏ bơ̆k bâo kơ mta kñăm klei kƀĭn kluôm tal 13 mơ̆ng Đảng jing truh ti thŭn 2025 hlăm lăn čar mâo 3.000 km êlan dơ̆ng pral leh anăn truh ti thŭn 2030 mâo 5.000km êlan dơ̆ng pral, mñă ktang, ênoh bruă knuă thŭn 2024 jing lu êdi, knŏng adôk mă 7 mlan, Khua knŭk kna mñă kơ dŭm Phŭn, dhar bruă, alŭ wăl čiăng ngă ktang phĭt hĭn dŭm hdră êlan, kñăm ruh mgaih klei dleh dlan, kpăk gun, hluê ngă dŭm bruă klam čiăng rơ̆ng kơ dŭm bruă djŏ hdră kčah, klei siam, êđăp ênang, răng mgang wăl hdĭp mda, gang mkhư̆ klei ƀơ̆ng ngăn, klei amâo mâo djŏ.

Bi kơ klei ngă bruă, Khua knŭk kna mñă kơ dŭm čar, ƀuôn prŏng mtrŭt mjhar phung ngă bruă tiŏ nao djăp ênoh mnuih mă bruă, ksiêm dlăng kjăp čiăng djŏ hŏng hdră kčah, hnơ̆ng tŭ jăk leh anăn hmao ruh mgaih dŭm klei dleh dlan, kphă gun čiăng bai mâo djăp hdră kčah ba mdah leh, hŏng dŭm hdră êmưt čiăng gĭt gai phung ngă bruă bi mbŏ ênoh mnuih mă bruă čiăng rơ̆ng kơ dŭm hdră djŏ hŏng hdră kčah.