­Mkăp brei hră yua lăn lu blư̆, lăp wĭt jing boh klei mâo lu ti čar Dak Nông. Ƀiădah, bruă mgaih msir sui ngă kơ mnuih ƀuôn sang tuôm hŏng lu klei dleh dlan leh anăn ngă truh klei amâo thâo bi djŏ, klei čôñ ăl. Hlăm hdră nao ksiêm dlăng, Lưu Văn Trung, khua Êpul gơ̆ng bruă ƀuôn sang čar Dak Nông ăt čih yap lu klei bi êdah hŏng phung bi ala kơ boh klei anei.

Bruă anei mâo lu phŭn agha, wăt kơ čŏng pô leh anăn nah êngao, biădah năng lač hĭn jing hdră mgaih msir mơ̆ng đa đa anôk ka djŏ guôp, mâo đa đa amâo mâo bruă klam. Wĭt lač klei êmuh mơ̆ng phung bi ala Êpul gơ̆ng bruă ƀuôn sang čar, Nguyễn Văn Hiệp, Khua kiă kriê knơ̆ng bruă ngăn dŏ leh anăn wăl hdĭp mda čar Dak Nông lač, mâo leh hdră mgaih msir boh klei anei. Hluê anăn, bi kơ hdră bhiăn, anôk bruă djŏ tuôm knŏng hrui wĭt leh anăn mkăp brei mrâo djŏ guôp hŏng boh sĭt.