VOV4.Êđê - Aguah mbruê, ƀuôn prŏng Hà Nội mkŏ mjing leh Hdră rŭ mkra êlan mur ti ktuê êlan roh 2.5 - Giải Phóng (alŭ Hoàng Mai). Hdră mâo ênoh duh 780 êklai prăk mơ̆ng ngăn prăk ƀuôn prŏng Hà Nội. Hdră anei mâo 4 grông êlan, boh dlông taih 460 m, hlăm anăn êlan mur krĭp 140 m. Anôk mkŏ tal êlâo êlan mur anei hŏng ktuê êlan roh 2,5 kdrêč Đầm Hồng – Êlan dơ̆ng prŏng 1A.

Blŭ ti knăm anei, Trần Sỹ Thanh, Khua anôk bruă sang čư̆ êa ƀuôn prŏng Hà Nội mñă: Hdră anei dưi bi mklă jing hdră phŭn mơ̆ng ƀuôn prŏng wưng thŭn 2021-2025; kñăm bi hrŏ klei gun kpăk êlan klông lehanăn ƀrư̆ bi leh anôk bruă êlan klông ƀuôn prŏng phŭn hluê hdră kčah mâo leh Khua knŭk kna bi mklă. Kyua anăn, hdră bruă anei yuôm bhăn êdi.

 VOVTâyNguyên/Pô mblang: H’Nêč Êñuôl