VOV4.Êđê- Aguah mbruê 30/5, ti anôk bruă dhar kreh xứ Đông, čar Hải Dương mkŏ mjing leh klei kƀĭn trông bi tuôm hŏng phung mnia mblei Japon thŭn 2022 hŏng akŏ “Hải Dương – klei găl leh anăn mmông găl duh bi liê FDI”. Leh êbeh 25 thŭn iêo mthưr klei duh bi liê FDI, truh kơ ară anei, mâo leh 490 hdră mkăp duh bi liê mơ̆ng ala tač êngao kơ čar Hải Dương, hlăm anăn mâo 60 hdră mkăp mơ̆ng Japon hŏng kluôm ênoh giăm 1,5 êklai USD, dôk tal 2 hlăm ênoh hdră mkăp leh anăn ênoh prăk duh bi liê FDI ti Hải Dương.

 Phạm Xuân Thăng, khua kiă bruă Đảng čar hải Dương mñă klă, Hải Dương jing sa anôk jưh jơ̆ng duh bi liê mơ̆ng dŭm knơ̆ng bruă Japon. Hlăm klei kƀĭnm khua gĭt gai čar hải Dương hlăk mblang leh dŭm klei ka thâo săng klă, ruh mgaih lu klei dleh dlan, klei kpăk kơ dŭm knơ̆ng bruă Japon, Bi mni leh anăn mđup brei klei pah mni kơ dŭm knơ̆ng bruă Japon êdah êdi, mâo lu mta bruă ngă hlăm klei mnia mblei leh anăn đru mguôp lu kơ ngăn prăk ala čar wăt kơ čar hải Dương.

Pô mblang: Y-Ƀel Êban