VOV4.Êđê- Aguah mbruê, jih jang phung hđeh sang hră dŭm gưl ti ƀuôn prŏng Ƀuôn Ama Thuôt čar Dak Lak lŏ wĭt nao sang hră leh lu blư̆ mâo klei dleh kpăk kyua klei ruă tưp Covid-19. Kñăm lŏ ksiêm wĭt lei hriăm, rơ̆ng hnơ̆ng tŭ jăk, boh nik hŏng phung hđeh điêt 5 thŭn leh anăn hđeh sang hră adŭ 1 jing mta kñăm mâo dŭm sang hră hluê ngă hlăm dŭm mlan adôk hlăm thŭn hriăm.

Găn hgao 1 thŭn hriăm lu jing hriăm online, ară anei lŏ wĭt nao hriăm ti sang hră, dŭm sang hră ti ƀuôn prŏng Ƀuôn Ama Thuôt dôk hmar bi hơĭt bruă mkŏ mjing, rơ̆ng kơ hdră hriăm hră mơar, dưn yua hruê mmông hđeh nao hriăm ti sang hră mkŏ mjing klei mtô leh anăn hriăm mâo boh tŭ dưn čiăng bi leh bruă klam hlăm thŭn hriăm.

Pô mblang: Y-Ƀel Êban