VOV4.Êđê- Klei hâo hưn mơ̆ng Anôk bruă kriê dlăng Hdră bruă duh bi liê mkŏ mjing dŭm hdră bruă êlan klông čar Kon Tum brei thâo, truh ară anei Hdră bruă lŏ mkra mđĭ dŭm kdrêč jhat rai ti êlan dơ̆ng prŏng 24 găn čar Kon Tum klă klơ̆ng dưi bi leh. Snăn knhal tuč bruă mkra mđĭ êlan klông ăt dưi bi leh hlăm hruê 30/6, wưng mơ̆ng Phŭn bruă êlan klông dŭ mdiăng mkra mđĭ tal 2 hŏng hnơ̆ng rŭ mdơ̆ng hdră bruă anei.

Đàm Phúc Tuyên, Khua Anôk bruă kriê dlăng Hdră bruă duh bi liê rŭ mdơ̆ng dŭm hdră bruă êlan klông čar Kon Tum brei thâo, hdră bruă mâo boh dlông 31 km, hlăm anăn 9 km găn ƀuôn prŏng Kon Tum leh anăn Kon Braih. Hdră bruă 2 hlăm Hdră bruă mkra mđĭ dŭm kdrêč êdu awăt hlăm êlan dơ̆ng mrô 24 găn čar Kon Tum mâo hnơ̆ng duh bi liê êbeh 847 êklai prăk mphŭn rŭ mdơ̆ng hruê 23/7/2020. Hdră bruă mâo boh dlông 31 km kyua Knơ̆ng bruă êlan klông dŭ mdiăng čar Kon Tum ngă pô duh bi liê./.

Pô mblang: H’Zawut Ƀuôn Yă