VOV4.Êđê- Klah čŭn klei mă bruă hŏng khua gĭt gai čar Khánh Hoà mrâo êgao, Khua knŭk kna Phạm Minh Chính mñă klă brei Khánh Hoà mjing klei găl mrâo čiăng iêô jak klei găl lu ala čar leh anăn mđing dlăng hdră čuăl mkă, mkŏ mjing plao ksĭ Trường Sa jing anôk phŭn duh mkra, dhar kreh, ala ƀuôn ti êa ksĭ, anôk kjăp ktang răng mgang klei dưi plao ksĭ.

Khua Knŭk kna mtă brei mđing kơ bruă čuăl mkă mkŏ mjing plao ksĭ  Trường Sa jing anôk phŭn bruă duh mkra, dhar kreh, ala ƀuôn ti êa ksĭ mơ̆ng kluôm ala leh anăn  jing anôk kjăp ktang răng mgang klei dưi plao ksĭ mơ̆ng čar kwar. Bruă anei brei ngă ktang hnưm ktang jăk leh anăn leh čuăl mkă brei pioh klei găl čiăng hluê ngă, êlâo hĭn mđing kơ klei găl mkŏ mjing anôk bruă đru nah tluôn kơ bruă trah mă kan tinei, lŏ dơ̆ng iêô jak mnuih ƀuôn sang hgŭm mđĭ kyar bruă duh mkra- ala ƀuôn, dhar kreh, hơĭt kjăp klei hdĭp sui thŭn ti kdriêk plao ksĭ, hlue si hdră êlan, hdra wbhiăn mơ̆ng Đảng leh anăn Knŭk kna, mơ̆ng hdră bhiăn ala čar, boh nik Klei kuôl kă Êpul hgŭm lu ala čar kơ Hdră bhiăn Êa ksĭ (UNCLOS) thŭn 1982.

Pô mblang: H’Zawut Ƀuôn Yă