Čar Dak Nông dưi mkŏ mjing hlăm hruê 01/01/2004. Găn 20 thŭn mkŏ mkra lehanăn đĭ kyar, čar Dak Nông dưi mâo lu boh tŭ dưn hlăm hdră duh mkra – ala ƀuôn, răng mgang klei êđăp ênang lehanăn mkra mđĭ hnơ̆ng tŭ jăk klei hdĭp mnuih ƀuôn sang, tlaih mŏng klei ư̆ êpa, ƀun knap, amâo đĭ kyar.

Hnơ̆ng mâo mnơ̆ng dhơ̆ng kluôm ti alŭ wăl truh kơ knhal jih thŭn 2023 mâo giăm 24 êbâo êklai prăk, đĭ 12 blư̆ mkă hŏng 20 thŭn êlâo, hnư hrui wĭt kah knar grăp čô ară anei mâo êbeh 60 êklăk prăk, đĭ 12 blư̆ mkă hŏng wưng mrâo mkŏ mjing. Knăm bi hdơr 20 thŭn hruê mkŏ mjing mâo čar bi mklă jing hdră bruă yuôm bhăn. Ƀri gưl anei, čar pŏk leh dŭm bruă kñăm mtô mblang kơ knhuah gru hƀuê ênuk, dhar kreh mơ̆ng čar, krŭ wĭt klei ktưn hưn djuê ana, bi kjăp klei đăo knang mơ̆ng mnuih ƀuôn sang hlăm hdră kiă kriê mơ̆ng Đảng, bruă knŭk kna čar Dak Nông./.