VOV4.Êđê - Hruê 20/7, êpul bruă êdam êra cộng sản Hồ Chí Minh gưl dlông mâo Khua bruă Đoàn gưl dlông, Khua êpul hgŭm bruă Đội gưl dlông Nguyễn Phạm Duy Trang ngă khua êpul nao čhưn, mđup brei mnơ̆ng kơ êpul êdam êra ba anăp yan mdei prŏng mtah thŭn 2022 ti kdriêk knông lăn Êa Sup, čar Dak Lak.

Êpul nao ti knăm ba yua hdră êdam êra Guh mngač êlan krĭng ƀuôn sang lehanăn mđup brei mnơ̆ng kơ êpul êdam êra ba anăp ti dŭm să Ia Lôp, Ia R’vê lehanăn nao čuă knưng bi hdơr, gơ̆ng knăl knông lăn, mđup brei mnơ̆ng kơ lĭng kahan răng mgang knông lăn Êa Hleo. Ti dŭm anôk nao, êpul čuă êmuh, mđĭ ai phung kahan ba anăp yan mdei prŏng mtah, bi mjĕ mjuk hŏng phung hđeh lehanăn lĭng kahan răng mgang knông lăn, mđup brei mnơ̆ng mâo ênoh 2,5 êklăk prăk kơ dŭm êpul ba anăp./.

H’Nêč pô mblang