VOV4.Êđê- Aguah mbruê 7/4, ti Hà Nội, Bruă klei mrâo ngăn prăk Việt Nam leh anăn hră klei mrâo phung duh bi liê bi mguôp mkŏ mjing klei kƀĭn “Blŭ hrăm kơ hdră êlan ngăn prăk đru kơ hdră krŭ wĭt leh anăn mđĭ kyar bruă duh mkra ala ƀuôn”. Hluê ngă hdră mtrŭn mrô 11 thŭn 2022 mơ̆ng knŭk kna kơ hdră krŭ wĭt leh anăn mđĭ kyar bruă duh mkra ala ƀuôn, phŭn bruă ngăn prăk mâo leh klei hur har, mjêč ksiêm duah, mkŏ mjing leh anăn hưn mdah hŏng dŭm gưl bruă mâo klei dưi ba mdah dŭm hdră êlan yuôm bhăn kñăm đru kơ mnuih ƀuôn sang leh anăn knơ̆ng bruă. Sa hdră êlan ngăn prăk msĕ si lăm lui, bi hrŏ jia dưi nao leh hlăm klei hdĭp leh anăn mâo klei tŭ yap yuôm bhăn. Dŭm klei đru yuôm bhăn anei dưi mkŏ mjing boh kdrŭt čiăng kơ dŭm knơ̆ng bruă leh anăn bruă duh mkra dưi krŭ wĭt hlăm wưng tlâo mlan tal 1 anei. hlăm klei kƀĭn trông, pô bi ala anôk bruă jia leh anăn anôk bruă ksiêm dlăng klei mŭt kbiă ăt hâo hưn leh kơ dŭm hdră êlan kñăm đru kơ dŭm knơ̆ng bruă hlăm hruê mmông kơ anăp, boh nik jing mlih mrâo klei ngă hră mơar bruă knŭk kna, dưn yua klei mlih mrô, đĭ kyar jia leh anăn bruă hâo hưn điện tử.

Pô mblang: Y-Ƀel Êban