Anei jing thŭn tal 9 hdră Hrăm mbĭt hŏng phung nai dưi mkŏ mjing. Sa hlăm dŭm mta bruă êdah êdi mơ̆ng hdră jing gưl nao čuă phung nai mtô ti să dleh dlan alŭ wăl 1, alŭ wăl 2, alŭ wăl 3 hlăm krĭng mnuih ƀuôn sang djuê ƀiă leh anăn krĭng čư̆ čhiăng.

Hdră Hrăm mbĭt hŏng phung nai mơ̆ng Êpul bruă êdam êra gưl dlông Việt Nam bi mguôp hŏng Phŭn bruă mtô mjuăt bi hriăm, Dhar bruă djuê ana leh anăn êpul grŭp Thiên Long mkŏ mjing gưl tal êlâo ti thŭn 2015, truh kơ ară anei, hdră dưi pah mni 458 čô nai êdah êdi mâo lu klei đru mguôp hlăm bruă mtô bi hriăm phung hđeh sang hră ti alŭ wăl, dưi mkŏ mjing dŭm klei găl êdah êdi kơ hnơ̆ng tŭ jăk leh anăn boh tŭ dưn bruă mtô mjuăt bi hriăm, mâo ai tiê găn hgao klei dleh dlan, jih ai hŏng bruă knuă, mâo phung nai, phung amĭ ama, yang ƀuôn khăp hơiêng.