VOV4.Êđê - Mkŏ mjing klei bi hdơr 92 thŭn Hruê mkŏ mjing Đảng (3/2/1930-3/2/2022), mmăt hruê 26/1, ti Sang kdŏ mmuiñ Prŏng, Hră klei mrâo Đảng Cộng sản Việt Nam, hlăm Dhar bruă hâo hưn mtô mblang gưl dlông mkŏ mjing Hdră kdŏ mmuiñ “Răng kriê klei đaŏ knang”. Hdră dưi mkŏ mjing jăk, mbha 2 kdrêč: “Răng kriê klei đaŏ knang” leh anăn “Lăn čar čuh blang mnga”, hŏng êbeh 10 klei kdŏ mmuiñ jăk siam, mâo klei mmuiñ, kdŏ dưi mkŏ mjing hluê ênhiang, klei blŭ djuê ana ênuk mrâo. Hdră anei jing gưl lŏ bi hdơr hƀuê ênuk kdrưh kơăm mơ̆ng Đảng, dŭm gru kruăk knăl klei tŭ dưn yuôm bhăn mơ̆ng hƀuê ênuk krŭ kdơ̆ng Việt Nam tĭ gŭ klei Đảng gĭt gai, bi mklă hdră êkan 92 thŭn bi kdơ̆ng, mkŏ mjing leh anăn mđĭ kyar; lŏ bi hdơr dŭm klei hriăm hgao klei dleh dlan, klei săn asei hŏng dŭm klei tŭ dưn mnuih ƀuôn sang mâo leh ti gŭ klei Đảng leh anăn Khua gĭt gai Hồ Chí Minh atăt gai. Mơ̆ng anăn, thâo săng hĭn leh anăn ktưn hưn kơ djuê ana Việt Nam, kơ Đảng Cộng sản Việt Nam kdrưh kơang bi kdơ̆ng kyua klei êngiê kơ čar kwar, kyua klei jăk mơak kơ yang ƀuôn.

H’Zawut pô mblang