Tlam (13/10), Klei bi kƀĭn bruă Đảng Knŭk kna tal sa bi kƀĭn mjưh ruĕ. Klei bi kƀĭn bi mklă Hdră mtrŭn hŏng 100% phung bi ala sa ai. Hdră mtrŭn Klei bi kƀĭn bi êdah klei čang hmăng, klei mĭn mơ̆ng bruă Đảng Knŭk kna hlăm wưng mrâo hŏng klei gĭr “Mkŏ mjing bruă Đảng Knŭk kna doh mngač kjăp ktang; bi hgŭm, bi hmô ba anăp hlăm klei kreh knhâo kdrăp mrâo, mlih mrâo mbruă; đĭ kyar pral lehanăn kjăp hlăm ênuk kpưn đĭ mdrŏng sah, jăk siam, yâo mơak”. Kƀĭn gĭt gai hlue ngă bi jăk, hrăm mbĭt, tŭ dưn dŭm hnơ̆ng kčah leh anăn 4 êpul hdră msir kơ klei mkŏ mjing Đảng; 8 êpul hdră msir kơ klei mđĭ kyar bruă duh mkra, ala ƀuôn; 2 êpul hdră msir kơ bruă lĭng kahan, klei êđăp ênang, hŏng tač êngao; 6 bruă klam phŭn kơ dŭm klei êdah êdi kluôm.

Kjăp klei kñăm hơĭt bruă duh mkra kluôm, ksiêm dlăng klei prăk luč ênoh, rơ̆ng klei bi kna bruă duh mkra; mđĭ kyar GDP kah knar mâo 10%/thŭn kơ dlông. Lŏ dơ̆ng bi leh klei bhiăn, hdră bhiăn; mđĭ kyar kdrăp anôk bruă nah gŭ mrâo mtang, lŏ mkra mlih bruă duh mkra, bi mklă gru hmô đĭ kyar mrâo, mđĭ kyar êdah kdlưn klei kreh knhâo kdrăp mrâo, mlih mrâo mbruă leh anăn mlih mrô. Mđing kơ bruă dhar kreh, ala ƀuôn, răng mgang wăl hdĭp mda, mđĭ klei hdĭp mnuih ƀuôn sang. Lŏ dơ̆ng mkra mđĭ bruă lĭng kahan; rơ̆ng êđăp ênang ala ƀuôn; mđĭ boh tŭ hŏng tač êngao, ñŭ kma hŏng lu ala čar; kriê pioh wăl hdĭp mda êđăp ênang, hơĭt kjăp mđĭ kyar lăn čar pral leh anăn kjăp.