Nao ti knăm anei, mnuih djuê ana Jeh Triêng ti alŭ Nông Kon lehanăn să Đăk Dục bi mjĕ mjuk, mdah leh lu hdră tông čing, kdŏ čhuang, bi lông đŭng ƀêñ, tŭk ƀêñ điŏ, tui ksiêm hưn mthâo kơ Têt djuê ana, m’ak mbĭt hŏng knăm m’ak djuê ana…

Ƀri gưl anei, hŏng bruă klam jing êpul mkŏ mjing, Knơ̆ng gĭt gai lĭng kahan răng mgang knông lăn čar Kon Tum mkŏ mjing leh Knămba jao Sang Roong dhar kreh alŭ Nông Kon dưi mdơ̆ng hluê knhuah mnuih Jeh Triêng, hŏng ênoh duh giăm 145 êklăk prăk.

Ti hdră Yan mnga knông lăn h’uh mđao mnuih ƀuôn sang, Knơ̆ng gĭt gai lĭng kahan răng mgang knông lăn čar Kon Tum bi hgŭm hŏng dŭm anôk bruă mđup brei 600 hla čiăm gru ala čar kơ mnuih ƀuôn sang să Đăk Dục, jao 1 boh sang Bi hgŭm mguôp mâo ệnoh 50 êklăk prăk; 30 hnư mnơ̆ng kơ gŏ sang knŭk kna dlăng ba, gŏ sang ƀun, Mđup brei Hră pah mni, hnư mnơ̆ng mơ̆ng Knơ̆ng gĭt gai lĭng kahan kơ 10 čô hđeh mơ̆ng hdră Đru kơ adei nao sang hră, mâo boh tŭ êdah êdi hlăm klei hriăm hră./.