Anei jing klei hriê čhư̆n tal êlâo mơ̆ng khua bruă kƀĭn ala Bulgaria truh ti Việt Nam leh giăm 12 thŭn; jing leh klei yuôm bhăn hlăm bruă bi mguôp dua ala čar Việt Nam-Bulgaria, boh nik leh bruă kƀĭn ala dua nah mâo mâo klei bi klă, hlue ngă dŭm hră mơar čih pioh klei hgŭm mbĭt. Klei bi mguôp plah wah bruă kƀĭn ala dua ala čar mâo nanao klei bi kjăp lehanăn đĭ kyar.

Dua nah kreh mkŏ mjing klei bi tuôm gưl dlông, sa ai bi đru hdơ̆ng găp ti dŭm anôk bi kƀĭn alŭ wăl lehanăn tar rŏng lăn mâo bruă kƀĭn ala dua ala čar nao hgŭm ti anôk bi kƀĭn bruă hgŭm kƀĭn ala dlông rŏng lăn (IPU), klei bi kƀĭn bruă kƀĭn ala Asi – Ơrôp  (ASEP)... Klei khua bruă kƀĭn ala Bulgaria truh ti Việt Nam hlăm dŭm hrue tal êlâo akŏ thŭn 2024 bi êdah klei dlăng yuôm, klei bi mpŭ, lehanăn mâo ai tiê jăk siam mơ̆ng knŭk kna lehanăn mnuih ƀuôn sang Bulgaria kah leh hŏng Việt Nam hŏng klei jing sa lăn čar mah jiăng jăk mâo klei bi jưh knang, sĭt suôr, lehanăn jing ƀĭng hgŭm yuôm bhăn hŏng Bulgaria ti alŭ wăl ngŏ dhŭng Asi./.