Hlei pô nao mŭt kahan jing kjăp pô anăn, 2024, Êpul gơ̆ng bruă ruah kahan čar Lâm Đồng hrŏng ruah leh phung êđeh êdam djăp ênoh čuăn nao mŭt kahan ară anei. Hlăm anăn, hđeh êdam mâo klei suaih pral mrô 1, mrô 2 jing êbeh 64%; hđeh êdam mâo hnơ̆ng hriăm truh jih gưl 3 mâo 36%; gưl krah gưl krah dưh lehanăn gưl prŏng jing 7,5%.

Hlăm anăn mâo truh 22 čô jing đảng viên, giăm 34% jing mnuih djuê ƀiă. Hlăm knăm hđeh êdam nao mŭt kahan tal anei čar Lâm Đồng ăt mkŏ mjing klei tŭ jum mŭt kahan ksiêm. Tinăn mâo mkŏ mjing kdrăm k’ah mâo dŭm bruă sang čư̆ êa kdriêk, ƀuôn prŏng hlăm čar mđup brei čăp mnga, mđĭ ai kahan mrâo. Êlâo anăn, dŭm alŭ wăl čar Lâm Đồng ăt mkŏ mjing knăm mơak mơh hlăm bruă drông kahan mrâo./.