Thượng tướng Nguyễn Văn Nghĩa-K’iăng khua knơ̆ng kčĕ bruă lĭng kahan yang ƀuôn Việt Nam nao ti anôk bi kƀĭn prŏng. Hlăm 5 thŭn êgao, Binh đoàn 15 mkŏ mjing leh bruă bi ktưn. Mơ̆ng anăn, ênoh tŭ dưn bruă duh mkra mơ̆ng Binh đoàn mâo ba wĭt êbeh 13.100 êklai prăk, hŏng prăk mnga êbeh 800 êklai prăk, đĭ 183% mkă hŏng wưng anei thŭn dih.

Hlăm anăn, mâo leh lu hdră êlan bi hmô jăk hlăm klei bi ktưn, msĕ si “Bi mkrum ngăn prăk pioh bi đru hlăm klei duh ƀơ̆ng”, “Phung mniê bi đru hdơ̆ng gă\p mđĭ kyar klei hdĭp mda”, “Đang mnơ̆ng pla jing anôk ngă klei bi hmô”, “Bruă pla mjing mlih anôk”, lehanăn “kebưn djam klei khăp” mâo ngă leh ba wĭt boh tŭ dưn sĭt. Mơ̆ng klei anăn, hlăm bruă bi ktưn mâo mă klei dưi, Binh đoàn 15 rơ̆ng kjăp kơ bruă duh mkra mnia mblei nao mđrĭng hŏng bruă răng mgang kjăp klei êđăp ênang yang ƀuôn ti dŭm alŭ wăl êpul kahan dôk./.