Ti kplang Phú Câu, ƀuôn hgŭm Tuy Hòa, êbeh 80 boh hô̆ trah mă kan lu jing hô̆ trah mă kan mĭndah srăng hiu trah mă kan tal êlâo hlăm thŭn 2026; lu boh hô̆ trah kan ka dưi đuĕ hiu ôh hlăm êa ksĭ, kyua ênoh êa pui yuôm đei. Tui si klei mkă tĭng, hô̆ trah mă kan hŏng 400 ai aseh kơ dlông mơ̆ng 5-5,5 tôn, snăn êa pui pioh kơ sa mlan hiu trah mă kan, êjai ênoh čhĭ kan hlăm brô 100.000 prăk/kg, hiu mă kan bi mâo ƀiă êdi 2,5 tôn kan kơh srăng djăp prăk lŏ bi hnô kơ ênoh bi liê.

Amâo mâo djŏ knŏng hô̆ trah mă kan hiu kbưi, ƀiădah mbĭt hŏng hô̆ hiu trah jĕ giăm hŏng hang ăt tŭ lu klei ktrŏ êbeh kơ dua blư̆ mơh, snăn hnơ̆ng hrui wĭt mơ̆ng phung trah mă kan hrŏ êdi. Khădah mâo leh dŭm hdră êlan mkiêt mkriêm, msĕ si mkŏ dŭm mta masin kiă kriê kjăp ba yua pui LED, ƀiădah klei tŭ dưn kăn jăk prŏng leh. Mnuih trah mă kan čang hmăng mâo klei đru čiăng dưi nao hlăm bruă trah mă kan, kiă kriê êa ksĭ./.