Hŏng klei klă mngač mkŏ mjing klei mjĕ mgiăm hgŭm mbĭt bruă lĭng kahan ti knông lăn Việt Nam-Lào-Campuchia
Thứ sáu, 09:02, 15/12/2023
VOV Tây Nguyên
VOV Tây Nguyên
VOV4.Êđê - Mâo klei tŭ ư mơ̆ng phung khua kiă kriê gưl dlông, hrue mbrue (14/12), ti knông lăn 3 lăn čar Việt Nam-Lào-Campuchia lehanăn ti ƀuôn prŏng Kon Tum, čar Kon Tum, mkŏ mjing leh knăm hgŭm mbĭt bruă lĭng kahan knông lăn gưl tal sa ti gưl khua phŭn bruă lĭng kahan.
Ti gơ̆ng knông lăn 3 lăn čar, mkŏ mjing leh knăm bi kkuh, lŏ ktur bi msiam gơ̆ng knông lăn, bi edah klei dưi êngiê, bi êdah kơ jih bruă bi hgŭm hlăm klei hiu cuang, răng mgang knông lăn hlăm klei êđăp ênang, bi pla kyâo bi knăl kơ klei bi mguôp, mkŏ mjing klei bi đru bruă nai êa drao kahan mtô bi hriăm bruă mdrao mgŭn hlăm lĭng kahan 3 ala čar.
Thiếu tướng Nguyễn Trường Giang, Khua anôk bruă nai êa drao kahan lač, kơ mta kñăm bruă mdrao mgŭn huĭdah mâo klei amao mâo jăk mơ̆ng klei mgei lăn, nai êa drao kahan 3 ala čar mđĭ hĭn klei bi hgŭm, ngă bruă mbĭt hlăm bruă đru dŏng./.
Viết bình luận