Anei jing thŭn hriăm yuôm bhăn hlăm Hdră mtô bi hriăm mrâo, dưi pŏk ngă mơ̆ng adŭ 1 truh kơ adŭ 12. Ƀri pŏk thŭn hriăm mrâo 2024 – 2025, Khua gĭt gai Đảng, Khua lăn čar Tô Lâm mâo leh hră mơĭt kơ Anôk bruă mtô bi hriăm. Hlăm hdră mơĭt mâo kdrêč čih: Ƀri pŏk thŭn hriăm mrâo 2024 – 2025, kâo mơĭt truh kơ phung nai mtô, knuă druh kriê dlăng, mnuih mă bruă dôk ngă bruă hlăm sang hră mơar mbĭt hŏng phung hđeh hriăm hră, phung hriăm lehanăn phung amĭ ama klei khăp jăk siam hĭn.

Hŏng ai êwa thŭn hriăm mrâo, kâo đăo knang phung hđeh hriăm hră, phung hriăm srăng gĭr hriăm, tui ksiêm, mjing klei čang hmăng kpưn đĭ čiăng mkŏ mkra ala čar đĭ kyar sah mdrŏng, yâo mơak. Hơêč hmưi kơ phung nai mtô, knuă druh kriê dlăng, mnuih mă bruă dôk ngă bruă hlăm Anôk bruă mtô bi hriăm lehanăn phung hđeh hriăm hră suaih pral, yâo mơak, tŭ jing lehanăn dưi mâo lu boh tŭ hĭn hlăm thŭn hriăm mrâo./.