VOV4.Êđê -  Phŭn bruă Sang hră m’ar mtô bi hriăm mkŏ mjing leh Klei bi kƀĭn online hrŏng ruah hđeh hriăm gưl krah bruă mtô bi hriăm hđeh điêt lehanăn ruah hđeh hriăm gưl prŏng thŭn 2022. K’iăng khua phŭn bruă Sang hră m’ar mtô bi hriă Hoàng Minh Sơn gĭt gai klei bi kƀĭn. Hưn mdah ti anôk bi kƀĭn, Knơ̆ng ksiêm hriăm kơ hdră mtô bi hriăm gưl prŏng (Phŭn bruă Sang hră m’ar mtô bi hriăm) brei thâo, hdră hrŏng ruah hđeh mŭt hriăm thŭn 2022 ăt krơ̆ng kjăp msĕ thŭn 2021, knŏng mkra mlih dŭm mta klei kñăm mjing klei găl tuič hnơ̆ng kơ phung hđeh lehanăn anôk mtô bi hriăm. Blŭ hrăm klah čŭn ti anôk bi kƀĭn, K’iăng khua phŭn bruă Sang hră m’ar mtô bi hriăm Hoàng Minh Sơn čih yap bruă thŭn anei dŭm anôk mtô bi hriăm gưl prŏng ba yua lu hdră hrŏng ruah. Khă snăn, dŭm boh sang hră ăt mđĭ klei đua klam hlak mblang hŏng mnuih hriăm lehanăn yang ƀuôn. Mbĭt anăn brei rơ̆ng klei mtăp mđơr kơ phung hđeh hluê hŏng mdê bi hdră hrĭng ruah hlăm thŭn anei./

H’Nêc pô mblang