VOV4.Êđê- Hră Khua knŭk kna bi tuôm, blŭ hrăm hŏng mnuih mă bruă mâo akŏ “Mnuih mă bruă Việt Nam hŏng klei hmăng hmưi mđĭ kyar ala čar” srăng mkŏ mjing ti hruê 12/6 kơ anăp ti čar Bắc Giang. Anei jing klei hâo hưn hlăm klei kƀĭn bruă klei mrâo mơ̆ng Êpul hgŭm mnuih mă bruă Việt Nam mkŏ mjing ti Hà Nội. Hlăm klei kƀĭn, Pô bi ala êpul hgŭm mnuih mă bruă Việt Nam brei thâo: Hdră Khua knŭk kna bi tuôm, blŭ hrăm hŏng mnuih mă bruă srăng mâo hlăm brô 4.500 čô mnuih mă bruă nao hgŭm ti čar Bắc Giang leh anăn mkŏ êlan online hŏng 63 anôk bi kƀĭn ti dŭm čar, ƀuôn prŏng. Anei jing klei kƀĭn čiăng kơ phung hđeh êdam êra, mnuih mă bruă dưi bi tuôm, bi êdah klei čiăng, klei hmăng hmưi leh anăn mâo klei bi êdah kơ dŭm boh klei djŏ tuôm hlăm bruă mă, klei hdĭp mda hŏng khua gĭt gai knŭk kna. Khua knŭk kna srăng mđing hmư̆, gĭt gai mgaih msir dŭm boh klei djŏ tuôm mơ̆ng mnuih mă bruă bi êdah.

Pô mblang: Y-Ƀel Êban