VOV4.Êđê - Tlam hruê 15/7, Êpul gơ̆ng bruă ƀuôn sang ƀuôn prŏng Hà Nội srăng mkŏ mjing Klei bi kƀĭn tal 8, Êpul gơ̆ng bruă ƀuôn sang ƀuôn prŏng gưl 16, wưng thŭn 2021 – 2026 čiăng ksiêm bi mklă dŭm mta klei. Klei bi kƀĭn srăng dưi mkŏ mjing hlăm tlam hruê 22/7 kơ anăp, čiăng ruah Khua anôk bruă sang čư̆ êa ƀuôn prŏng Hà Nội. Êlâo anăn, Phŭn bruă kđi čar mâo leh Klei bi mklă mrô 567 hruê 14/7, ruah khua hlăm Anôk bruă kiă kriê lehanăn K’iăng khua bruă Đảng ƀuôn prŏng Hà Nội wưng thŭn 2020-2025. Hluê anăn, Phŭn bruă kđi čar brei Trần Sỹ Thanh, Khua hlăm Anôk bruă Đảng gưl dlông, Khua anôk bruă knuă druh Đảng ksiêm tĭng knŭk kna, Khua knơ̆ng ksiêm tĭng knŭk kna mdei ngă Khua anôk bruă knuă druh Đảng ksiêm tĭng knŭk kna nao păn ngă khua hlăm Anôk bruă kiă kriê, K’iăng khua bruă Đảng ƀuôn prŏng Hà Nội wưng thŭn 2020-2025, mbĭt anăn hưn mthâo Trần Sỹ Thanh čiăng Êpul gơ̆ng bruă ƀuôn sang ƀuôn prŏng Hà Nội ruah păn ngă Khua anôk bruă sang čư̆ êa ƀuôn prŏng Hà Nội wưng thŭn 2021-2026./.

H’ Nêč pô mblang