VOV4.Êđê- Aguah hruê 19/2, ti Anôk bruă dhar kreh Kinh Bắc, ƀuôn prŏng Bắc Ninh, bruă Đảng čar Bắc Ninh mkŏ mjing leh Klei bi kƀĭn hưn mthâo kơ hdră bi hdơr 190 thŭn hruê mkŏ mjing lehanăn 25 thŭn hruê lŏ mkŏ čar. Hluê si anôk mkŏ mjing, mơ̆ng hruê 26 mlan 1 truh kơ hruê 28 mlan 2 ti ƀuôn prŏng Bắc Ninh lehanăn dŭm kdriêk, wăl krah hlăm čar srăng mkŏ mjng lu bruă bi hdơr 190 thŭn hruê mkŏ mjing lehanăn 25 thŭn hruê lŏ mkŏ čar Bắc Ninh. Boh nik, knăm bi hdơr srăng mkŏ mjing hlăm hruê 26/2/2022 hŏng lu hdră kdŏ mmuñ hŏng anăn “Bắc Ninh – Kdrưh k’ăm krĭng lăn kreh dhar” srăng bi êdah kơ Bắc Ninh - Kinh Bắc, sa krĭng lăn đưm, kreh dhar, hŏng boh tŭ yuôm hƀuê ênuk, kriăng hriăm hră.... lehanăn hdră krŭ kgŭ kdơ̆ng. Ngô Văn Liên, Khua anôk bruă kiă kriê klei hâo hưn bruă Đảng čar Bắc Ninh brei thâo, leh 25 thŭn hruê mkŏ mjing, Bắc Ninh mâo leh klei đĭ kyar pral jing leh čar đĭ kyar êdi ti kwar Dưr, hruê anei, Bắc Ninh jing leh čar mâo bruă tuh tia mkra mjing mrâo mrang hŏng lu hnơ̆ng čuăn bruă duh mkra -ala ƀuôn hlăm êpul mrô sa hlăm kluôm ala./.

                                                   Pô mblang: H’Nêč Êñuôl