VOV4.Êđê- Lŏ dơ̆ng hdră hlăm klei kƀĭn gưl tal 10, aguah anei 26/4, Dhar bruă gĭt gai bruă kƀĭn ala brei boh blŭ kơ hdră mkăp lŏ dơ̆ng mlih mrâo, mđĭ hnơ̆ng tŭ jăk, boh tŭ dưn klei kƀĭn bruă kƀĭn ala leh anăn bruă mkra mlih, bi mbŏ hdră bhiăn klei kƀĭn bruă kƀĭn ala. Hdră mkăp lŏ dơ̆ng mlih mrâo, mđĭ hnơ̆ng tŭ jăk, boh tŭ dưn klei kƀĭn bruă kƀĭn ala mâo leh mprăp jăk, čih yap, ksiêm wĭt, ksiêm duah klă dŭm hdră bhiăn kơ klei kƀĭn bruă kƀĭn ala. Mơ̆ng anăn hrŏng ruah, đru kčĕ dŭm mta phŭn lŏ dơ̆ng mlih mrâo, mđĭ hnơ̆ng tŭ jăk, boh tŭ klei kƀĭn mơ̆ng bruă kƀĭn ala. Mơ̆ng klei kƀĭn êngao hdră gưl tal 1 mrâo êgao ăt mdưm leh hdră kčah čiăng ksiêm duah kơ klei hlăk mblang leh anăn boh sĭt kơ mta phŭn, klei găl mkŏ mjing, hdră ngă bruă, hră mơar… dŭm hdră êlan êjai dưi ba mdah srăng klă klơ̆ng leh anăn dưn yua hlăm klei hdĭp.

Tlam anei, Dhar bruă gĭt gai bruă kƀĭn ala bi ruê̆ klei kƀĭn gưl tal 10. Êlâo kơ Khua bruă kƀĭn ala Vương Đình Huệ blŭ bi ruê̆, Dhar bruă gĭt gai bruă kƀĭn ala kƀĭn hgăm, brei boh blŭ kơ klei hưn mdah hdră ngăn bruă knŭk kna thŭn 2020 leh anăn hưn mdah ngăn prăk knŭk kna thŭn 2020.

Pô mblang: Y-Ƀel Êban