VOV4.Êđê - Leh 6 hrue mă bruă, tlam anei (10/5), Klei bi kƀĭn tal 5 Êpul Khua kiă kriê bruă Đảng gưl dlông 13 bi ruĕ klei bi kƀĭn ti ƀuôn prŏng phŭn Hà Nội. Hlăm dŭm hrue êgao, Klei bi kƀĭn tal 5 Êpul khua kiă kriê bruă Đảng gưl dlông 13 mâo leh dŭm klei trông čhai, mă klei blŭ kơ lu mta bruă yuôm bhăn. Phung bi ala bi trông kơ bruă ksiêm wĭt 10 thŭn hluê ngă hdră mtrŭn Gưl dlông 6 gưl 11 kơ klei lŏ dơ̆ng mlih mrâo hdră êlan, klei bhiăn kơ lăn ala hlăm ênuk mlih mrâo kluôm dhuôm.

Ksiêm wĭt 15 thŭn hlue ngă hdră mtrŭn Hdră mtrŭn klei bi kƀĭn prŏng gưl dlông 7, gưl 10 kơ bruă lŏ hma, mnuih ngă lŏ hma, krĭng ƀuôn sang. Ksiêm wĭt 20 thŭn hlue ngă hdră mtrŭn gưl dlông 5 gưl 9, kơ klei lŏ mlih mrâo, mđĭ kyar lehanăn mđĭ hĭn klei tŭ dưn bruă duh mkra êpul lu. Hdră êlan kơ bruă mkŏ mjing Đảng nah gŭ, lehanăn phung đảng viên. Hdră kơ klei mkŏ mjing Êpul kiă kriê ti gưl čar kơ bruă bi kdơ̆ng hŏng klei ƀơ̆ng ngăn, lehanăn klei ngă amâo mâo djŏ. Hâo mdah ksiêm wĭt bruă kiă kriê, lehanăn gĭt gai mơ̆ng Phŭn bruă kđi čar, Êpul khua kiă kriê thŭn 2021; lehanăn dŭm bruă yuôm bhăn mkăn./.

Y-Khem pô mblang