VOV4.Êđê - Hluê si hdră hlăm klei kƀĭn tal 3, bruă kƀĭn ala gưl 15, hruê anei, bruă kƀĭn ala lŏ dơ̆ng mă bruă ti anôk bi kƀĭn, bi trông kơ dŭm hdră čih mkra klei bhiăn. Ti aguah, bruă kƀĭn ala hmư̆ khua phŭn bruă kiă kriê bruă knuă ala čar Phạm Thị Thanh Trà, mâo klei dưi mơ̆ng Khua knŭk kna hưn mdah hră klei bhiăn ƀuôn sang ngă phŭn nah gŭ. Lŏ dơ̆ng kơ năn, khua kiă kriê Dhar bruă klei bhiăn mơ̆ng bruă kƀĭn ala Hoàng Thanh Tùng hưn mdah klei ksiêm duah kơ hdră čih mkra klei bhiăn anei. Leh kơnăn, bruă kƀĭn ala srăng hmư̆ khua hlăm Dhar bruă kƀĭn ala, khua kiă kriê dhar bruă yang ƀuôn mơ̆ng bruă kƀĭn ala Nguyễn Thúy Anh hưn mdah klei hlăk mblang, mđing hmư̆, mkra mlih hdră bhiăn bi lông, bi ktưn, pah mni. Bruă kƀĭn ala bi trông ti anôk bi kƀĭn kơ đa đa mta phŭn dôk mâo klei blŭ mdê mdê hlăm hdră bhiăn bi lông, bi ktưn, pah mni.

Y-Ƀel pô mblang