VOV4.Êđê- Aguah anei bruă kƀĭn ala lŏ dơ̆ng bi trông ti anôk bi kƀĭn kơ dŭm hdră mtrŭn kơ dŭm hdră êlan, hdră ngă bruă klei đĭ kyar bruă duh mkra čar Khánh Hoà. Hmư̆ klei hưn mdah kơ bruă mă prăk lĭng čan lŏ brei čan, rơ̆ng knŭk kna jing gưl mkăp brei ngăn prăk leh anăn bi trông kơ bruă anei. Tlam anei kčưm hlăm 2 hruê mkrah ksiêm êmuh leh anăn wĭt lač klei ksiêm êmuh. Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan srăng wĭt lač ksiêm êmuh tal êlâo kơ dŭm boh klei hlăm bruă lŏ hma. Êlâo kơ năn, tlam mbruê, bruă kssĭn ala mâo leh klei bi trông, ksiêm wĭt boh sĭt hluê ngă hdră mtrŭn mrô 66 mơ̆ng bruă kƀĭn ala leh anăn hdră mkŏ mkra êlan Hồ Chí Minh hlăm wưng kơ anăp. Truh kơ ară anei, hdră mkăp anei mâo leh 2 blư̆ amâo mâo bi leh djŏ hŏng hdră kčah, dôk 171 km ka dưi duh bi liê. Lu klei blŭ lač anei jing hdră ala čar kñăm čiăng mkăp brei ngăn prăk bi leh hluh mơ̆ng Dưr truh kơ Dhŭng. Mñă kơ knŭk kna mkăp brei ai dưi čiăng bi liê dŭm kdrêč êlan adôk čiăng kơ êlan Hồ Chí Minh dưi hluh hlăm hruê mmông kơ anăp.

Pô mblang: Y-Ƀel Êban