VOV4.Êđê -  Lŏ dơ̆ng hdră hlăm klei kƀĭn trông phung bi ala bruă kƀĭn ala thơ̆ng kơ bruă, hruê anei, phung bi ala srăng brei boh blŭ kơ hdră mkăp klei bhiăn mdar rup (mkra mlih) leh anăn klei bhiăn mnia mblei ênua (mkra mlih).

Hlăm anăn, klei bhiăn mdar mă rup mkra mlih kluôm ênŭm kñăm bi klă hdră êlan, hdră mtrŭn mơ̆ng Đảng, klei bhiăn thŭn 2013, mkŏ mjing klei mdar mă rup Việt Nam kreh knhâo, mrâo mrang, boh hŏng knhuah djuê ana leh anăn djŏ guôp hŏng bruă duh mkra mnia mblei yang ƀuôn ngă phŭn leh anăn mâo knhuah djŏ guôp hŏng klei bhiăn ala čar, hluê ngă tŭ dưn klei kuôl kă hlăm klei bhiăn tar rŏng lăn kơ bruă mdar mă rup leh anăn mđĭ kyar bruă mdar mă rup. Dŭm mta phŭn ăt dôk mâo lu klei blŭ mdê mdê mơ̆ng hdră mkăp klei bhiăn jing: Hdră êlan mơ̆ng knŭk kna kơ klei đĭ kyar bruă mdar mă rup, brua tuh tia mdar mă rup, mkăp brei dŭm mta bruă mkra mjing film kơ dŭm êpul êya, grăp čô mơ̆ng ala tač êngao, mkra mjing film yua ngăn prăk ala čar, mđung film hlăm mbah internet leh anăn keh prăk đru mđĭ kyar film.

Y-Ƀel pô mblang