VOV4.Êđê - Tlam 30/3, ti Hà Nội mkŏ mjing klei bi kƀĭn tal sa Klei bi kƀĭn phung mda asei Việt Nam tal 7, wưng 2022-2025. Nao hlăm Klei bi kƀĭn mâo 800 čô ngă bruă duh mkra êdah kdlưn bi ala kơ êbeh 11 êbâo čô ngă bruă mnia blei hlăm kluôm ala. Klei bi kƀĭn lač kơ bruă ngă phung mnia blei mda asei hlăm klei mđĭ nkyar bruă dh mkra, bruă ngă kơ êpul êya leh anăn bruă ngă mơ̆ng Êpul hgŭm phung duh mkra mda asei Việt Nam 2018-2021; bi trông kơ hdră tă bruă klam hlăm wưng 2022-2025 leh anăn ruah Anôk bruă gĭt gai Êpul hgŭm phung mnia blei mda asei Việt Nam gưl 7.Trần Anh Vương, K’iăng Khua Êpul hgŭm phung mnia mblei mda asei Việt Nam brei thâo: Klei mrâo mơ̆ng wưng kơ anăp jing ruah phung khua gĭt gai mda asei; dŭm bruă ngă mđing truh kơ klei mbruă, ñŭ hma hŏng tač êngao, hrăm mbĭt hŏng alŭ wăl pŏk mlar êpul hgŭm mphŭn čô̆ kơ bruă. Hlăm jar Klei bi kƀĭn, mmăt hruê 30-3, Êpul hgŭm phung mda asei Việt Nam mkŏ mjing Knăm mđup brei klei pah mni Mtŭ kñĭ Việt Nam 2021, mpŭ kơ phung dưi mŭt hlăm êpul 10, 100 leh anăn 200 - Anăn knăl êdah kdlưn Việt Nam.

H’Zawut pô mblang