VOV4.Êđê -   Hlăm dua hrue 11 lehanăn 12/7, mkŏ mjing klei bi kƀĭn tal 13 mơ̆ng Dhar bruă gĭt gai bruă kƀĭn ala. Ti anôk bi kƀĭn anei, Dhar bruă gĭt gai bruă kƀĭn ala mâo klei blŭ kơ klei hâo mdah boh tŭ dưn bruă ksiêm hnơ̆ng mkra êlan dơ̆ng dơ̆ng Ngŏ Duôr Čư̆ Prŏng lehanăn mâo klei blŭ tal êlâo kơ bruă mprăp klei bi kƀĭn tal 4 Bruă kƀĭn ala gưl 15; ksiêm, lehanăn bi mklă klei čih mkra hdră mtrŭn kơ bruă čuăn, klei dưi, lehanăn hdră dăp mơ̆ng Êpul ngă bruă pô bi ala. Hŏng dŭm bruă duh mkra ala ƀuôn, Dhar bruă gĭt gai bruă kƀĭn ala ksiêm, bi klă hdră êlan bi mlih mta kñăm klei djă yua dliê, lăn dliê, lehanăn lăn ngă lŏ mơ̆ng dua yan kơ dlông, hlăm hdră mkra êlan dơ̆ng pral Dưr – Dhŭng tĭng nah Ngŏ wưng thŭn 2021 – 2025. Ăt hlăm klei bi kƀĭn anei, Dhar bruă gĭt gai bruă kƀĭn ala ksiêm wĭt klei bi kƀĭn tal 3, lehanăn mă klei blŭ kơ dŭm bruă mpăp kơ klei bi kƀĭn tal 4, Bruă kƀĭn ala gưl 15./.

Y-Khem pô mblang