VOV4.Êđê - Aguah mbruê 13/4, ti Hà Nội mkŏ mjing leh knăm pŏk knăm bruă klei mrâo kluôm ala thŭn 2022. Anei jing hruê knăm prŏng mơ̆ng phung ngă bruă leh klei mrâo hlăm kluôm ala leh anăn jing klei blŭ mñă klă ala čar nao leh hlăm wưng aguah tlam mrâo leh dŭm klei hmăi mơ̆ng klei ruă tưp Covid-19. Anei jing wưng pah mni klei đĭ kyar ktang, dŭm bih tŭ yuôm bhăn mơ̆ng bruă klei mrâo Việt Nam, hưn mdah dŭm mnơ̆ng dhơ̆ng bruă klei mrâo nao mbĭt hŏng klei mă bruă knuă, klei thâo mbruă mơ̆ng phung ngă bruă klei mrâo hlăm kluôm ala.

Mbĭt anăn, mđĭ hĭn klei mjĕ êrô, klei bi tuôm plah wah phung ngă bruă klei mrâo hŏng ƀĭng dlăng, hluê anăn dưi mđĭ ai phung ngă bruă klei mrâo ngă jăk bruă klam pô, čiăng mâo ênŭm hnơ̆ng čoh čuăn klei mrâo ƀrư̆ hruê ƀrư̆ đĭ mơ̆ng mnuih ƀuôn sang. Hlăm 3 hruê mkŏ mjing knăm anei, VOV ăt mâo sa hdră hưn mdah dŭm dhar kreh jăk siam mơ̆ng dŭm djuê ana mnuih djuê ƀiă bi ala kơ 13 klei blŭ mơ̆ng VOV dôk mkŏ mjing hdră mđung asăp truh kơ êpul êya dŭm djuê ana jing mnuih djuê ƀiă.

Y-Ƀel pô mblang