VOV4.Êđê- Hruê 30/8, bruă Đoàn čar DakLak mkŏ mjing leh lu hdră hlăm Hruê m’ak Kâo khăp kơ lăn čar kâo thŭn 2022. Hruê m’ak thŭn anei mâo lu hdră msĕ si: Knăm mitinh, kkuh hla čhiăm gru lehanăn knăm bi mjĕ mjuk, kdŏ mmuñ ti Wăl tač prŏng 10/3 (ƀuôn prŏng Buôn Ama Thuôt) lehanăn klei bi lông êran “Mobirun – Kâo khăp kơ lăn čar kâo”, Klei kƀĭn trông Klei čang hmăng phung êdam êra, Klei bi lông mmuñ dŭm ênhiang mmuñ cách mạng, phung êdam êra hŏng ênhiang mmuñ djuê ana lehanăn mdah kdrăp tông ayŭ djuê ana.

Knăm bi hdơr 66 thŭn hruê knhuah gru Êpul êdam êra Việt Nam lehanăn bi mni phung êdam êra kdlưn hĭn hlăm dŭm mta bruă. Hdră anei kñăm kkuh m’ak tŭ jing Klei bi kƀĭn bruă Đoàn dŭm gưl mđing truh kơ Klei bi kƀĭn bruă Đoàn kluôm ala tal 12, kkuh m’ak hruê mkŏ mjing ala čar 2/9 lehanăn dŭm knăm m’ak prŏng mơ̆ng lăn čar.

Dŭm hdră bruă mâo boh phŭn klă klơ̆ng, mơ̆ng anăn jak iêu lu phung êdam êra nao hgŭm, mjing klei hgŭm mguôp mơ̆ng phung êdam êra ti dŭm alŭ wăl./.

                                                    Pô mblang: H’Nêč Êñuôl